DOT 3 болон DOT 4 тоормосны шингэнүүд нь ямар ялгаатай болохыг гайхаж байсан уу? Тоормосны шингэн нь таны машины тоормосны системийн амин судас юм. Иймд зөв төрлийн шингэнээ сонгох нь үйл ажиллагаа болон аюулгүй байдалд маш чухал нөлөөтэй байдаг. Эдгээр тоормосны шингэнүүдийн онцлог давуу тал болон сул тал, ялгаа, хэрхэн өөрийн машинд тохирох зөв шингэнээ сонгох талаар дараах мэдээллээс уншиж танилцаарай!
Түлхүүр зүйлс
DOT 3 болон DOT 4 тоормосны шингэнүүдийн ялгааг таниж мэдэх, таарах зөв төрлийг машиндаа сонгох нь.
Өөр төрлийн тоормосны шингэнүүдийг хооронд нь хольж болохгүй бөгөөд эс бөгөөс тоормосны системд эвдрэл үүсэх эрсдэлтэй.
Тохирох төрлийн шингэнээ сонгохдоо автомашин үйлдвэрлэгчийн заавар стандарт, машин унах орчин нөхцөл, эдэлгээний онцлог зэргийг харгалзаж үзээрэй.
DOT 3 тоормосны шингэнийг таниж мэдэх нь
DOT 3 тоормосны шингэн нь автомашинд зориулсан тоормосны шингэн юм. АНУ-ын тээврийн газрын баталсан стандартад нийцдэг төрлийн шингэн. Гликолийн суурьтай бөгөөд уурших хэм нь 205°C байдаг.
Найрлага, үйлчилгээ
DOT 3 тоормосны шингэн нь полиэтилен гликолийн суурь найрлагатай бөгөөд гидрийн тоормосны системд тохирдог. DOT 3 болон DOT 4 шингэнүүд нь уурших температураараа ялгагддаг байна. DOT 3 шингэн нь 205°C хэмд ууршдаг юм. Мөн DOT 3 шингэн нь ус шингээх чадвар нь DOT 4-өөс харьцангуй бага байдаг.
Өндөр хурдтай явах үедээ огцом тоормослох зэрэг хэт ачаалалтай нөхцөлд тоормос DOT 3 шингэний уурших хэмээс давж халдаг тул элдэв эвдрэл үүсэх эрсдэлтэй байдаг. Иймд тухайн машины хурдны хязгаар, хөдөлгүүрийн хүч, унах орчин нөхцөл зэрэг олон хүчин зүйлийг харгалзаж тохирох тоормосны шингэнээ сонгоорой.
Давуу болон сул талууд
DOT 3 шингэн нь зах зээлд борлуулагдаж байгаа олон төрөл загварын автомашинд тохирдог. ABS (Anti-lock Brake System) буюу антиблок системгүй машинд таардаг бөгөөд DOT 4 шингэнтэй харьцуулахад хямд үнэтэй. Гэвч машины тань тоормос ачаалал ихтэй бол тохиромжгүй бөгөөд антиблок системтэй тоормосонд таардаггүй юм.
Таарахгүй буруу төрлийн DOT шингэнийг тоормосондоо хийх нь эвдрэл үүсгэх эрсдэлтэй шүү. DOT 3 шингэн нь цагийн аясаар агаараас чийг дааж тоормосны системд зэврэлт үүсгэх, уурших температур нь багасах зэрэг сул талтай юм.
DOT 4 тоормосны шингэнийг таниж мэдэх нь
DOT 4 тоормосны шингэн нь мөн гликолийн суурьтай ч хэд хэдэн давуу талтай. DOT 4 шингэний уурших температур нь харьцангуй өндөр байдаг тул тоормосыг хэт халалтаас болж элэгдэж үүргээ алдахаас сэргийлдэг. Тийм ч учраас хурд хүчтэй, ачаалал ихтэй автомашинд тохиромжтой юм.
Найрлага, үйлчилгээ
DOT 4 тоормосны шингэн нь гликолийн суурьтай бөгөөд гликолийн эфир болон борын хүчлийн давсны нийлмэл эфирийн найрлагатай. DOT 3 шингэнийг бодвол уурших температур өндөр DOT 4 тоормосны шингэн нь 230°C хэмд ууршдаг байна. Энэ нь үндсэн давуу тал болдог бөгөөд хэт халалтаас болж тоормос элэгдэж үүргээ алдахаас хамгаалах чухал нөлөөтэй юм.
Гэвч DOT 4 тоормосны шингэн нь ус чийг илүү татдаг тул ойр ойрхон солих шаардлагатай байдаг. DOT 4 шингэнийг дунджаар хоёр жил тутам сольж байхыг мэргэжилтнүүд зөвлөдөг юм. Хэрэв цаг тухайд нь солихгүй бол мастер цилиндр, дугуйны цилиндр зэрэг эд ангиуд зэврэх улмаар тоормосны систем бүхэлдээ эдэлгээ богиносох сөрөг үр дагавартай шүү.
Давуу болон сул талууд
DOT 4 тоормосны шингэн гол давуу тал нь уурших температур өндөрт оршино. Тоормосыг хэт халалтын үед хамгаалж чадах тул хурд хүч, ачаалал ихтэй автомашин болон ABS буюу антиблок системтэй тоормосонд илүү тохиромжтой юм.
Харин үнэ өртөгийн хувьд DOT 4 шингэн нь DOT 3-тай харьцуулахад зардал ихтэй байдаг. Мөн DOT 4 стандартаас доогуур эсвэл дээгүүр шаардлагатай машинд аль болох хэрэглэхгүй байхыг мэргэжилтнүүд зөвлөдөг.
DOT 3 болон DOT 4 шингэнүүдийн хоорондоо тохирох байдал
DOT 3 болон DOT 4 тоормосны шингэнүүдийг хооронд нь хольж болдог уу? Тийм ээ, хольж хийж болно. Хэдий тийм ч гэлээ уурших температур нь өөр байдаг тул аль болох холихгүй байхыг зөвлөж байна.
DOT 3 болон DOT 4 шингэнүүдийг холих
Дээр дурьдсаны дагуу DOT 3 болон DOT 4 шингэнийг хольж болох ч аль болох зайлсхийх хэрэгтэй. Хооронд нь хольсноор тухайн шингэний уурших хэм өөрчлөгдөх болно. Мөн зарим тохиолдолд өөр өөр төрлийн тоормосны шингэнийг холих нь эвдрэл үүсгэх эрсдэлтэй юм.
Элдэв асуудал, эвдрэл үүсэхээс сэргийлэхийн тулд автомашин үйлдвэрлэгчийн зааврыг дагаж мөрдөн яг тохирох төрлийн тоормосны шингэнийг сонгож хийгээрэй. Хэрэв машины тань гарын авлага байхгүй бол, өөр хаанаас мэдээлэл олохоо мэдэхгүй байвал мэргэжлийн механик, авто сервист хандахыг зөвлөж байна.
Тоормосны шингэний арчилгаа
Тоормосоо арчилж тордоход шингэний үүрэг оролцоо чухал. Тогтмол цаг тухайд нь тоормосны шингэнээ сольж байх, амархан хуучирч муудахаас сэргийлэх зэрэг нь ерөнхий тоормосны үйл ажиллагаанд чухал нөлөөтэй юм. Та тоормосны шингэний түвшин болон өнгийг тогтмол шалгаж үзэн, шаардлагатай бол цаг тухайд нь солиулж байгаарай.
Машиндаа таарах зөв тоормосны шингэнийг сонгох нь
DOT 3 болон DOT 4 тоормосны шингэнүүдийн онцлог, ялгаатай танилцаж авсан тул одоо хэрхэн машиндаа таарах зөв төрлийн шингэнийг сонгох талаар мэдэж авцгаая. Сонголтоо хийхдээ автомашин үйлдвэрлэгчийн зааж өгсөн стандарт шаардлагыг дагаж мөрдөх хэрэгтэй. Мөн тухайн машины уналгаа эдэлгээ, орчин нөхцлийг мөн харгалзаж үзэхийг зөвлөж байна.
Автомашин үйлдвэрлэгчийн стандарт шаардлага
Тоормосны шингэний савны таган дээр байрлах автомашин үйлдвэрлэгчийн зааж өгсөн стандартыг юун түрүүнд харах хэрэгтэй. Үйлдвэрлэгчийн заавар нь хамгийн зөв, нарийвчлалтай мэдээлэл юм. Иймд сонголтоо хийхдээ таган дээрх стандарт болон гарын авлага дээр бичигдсэн заавар зөвлөмжийг ягштал дагаж мөрдөөрэй.
Орчин нөхцөл, уналгаа эдэлгээ
Үүний дараа машиныхаа уналгаа эдэлгээ, орчин нөхцлийг бодолцож үзээрэй. DOT 4 тоормосны шингэн нь илүү хурд хүч, ачаалал өндөр автомашинд тохирдог. Жишээлбэл уралдааны, дрифт, бусад спорт автомашин гэх мэт.
Харин эсрэгээр таны машин ачаалал багатай, энгийн хэрэглээний уналгаатай бол DOT 3 тоормосны шингэн харьцангуй хямд төсөр байх болно. Эдгээр хүчин зүйлсийг харгалзаж үзсэний үндсэн дээр та өөрийн машинд тохирох тоормосны шингэнийг сонгохдоо итгэлтэй байх боломжтой шүү.
Тоормосны шингэнийг солих нь
DOT 3 болон DOT 4 шингэнүүдийн онцлог, ялгаа болон хэрхэн машиндаа таарах зөв төрлийн шингэнийг сонгох талаар мэдэж авсан бол одоо яаж солих вэ гэдэг асуултад хариулцгаая. Хэрэгтэй багаж, аюулгүй ажиллагааны алхамууд зэрэг солих явцад хэрэгтэй мэдээллийг уншиж аваарай.
Багаж болон аюулгүй ажиллагааны алхамууд
Сольж эхлэхээсээ өмнө шаардлагатай бүх багаж төхөөрөмжөө цуглуулж тавиарай. Тоормосны шингэнийг шалгагч, эрэг боолтны түлхүүр, ажлын бээлий, шил гэх мэт. Тоормосны шингэнийг солихдоо заавал аюулгүй ажиллагааны заавар зөвлөгөөг дагаж мөрдөх хэрэгтэй шүү.
Мөн ажиллах орчин нөхцөл тань цэвэр цэмцгэр, агааржуулах системтэй байх хэрэгтэй бөгөөд тоормосны шингэнээ сайтар битүүмжлэлтэй байлгаарай. Тоормосны шингэн нь хүний биед хортой бодис тул ажиллахдаа маш болгоомжтой байж хуучин тоормосны шингэнээ заавал засаг захиргааны хууль дүрмийн дагуу асгаж хаях ёстой шүү.
Алхамууд
Тоормосны шингэнийг солихдоо:
Машинаа тэгш гадаргуу дээр зогсоож аюулгүй байдлыг хангана.
Тоормосны шингэний нөөцийн тагийг шалгаж үзээрэй. Энэ нь шингэний түвшний дээд болон доод хязгаарыг зааж өгдөг.
Хэрэв шингэн бохирдолтой эсвэл доод хязгаараас бага түвшинтэй байвал солих болсон байна гэсэн үг.
Эхлээд тоормосны шингэний тасалгааг зузаан цаас эсвэл алчуураар цэвэрлэх хэрэгтэй. Аккумлятороо салгаж байгаад тоормосны шингэний чанар болон түвшинг хэмжиж байдаг цахилгаан эд ангиудыг задалж цэвэрлэнэ. Бүх эд анги болон машинаа бүхэлд нь сайтар цэвэрлээрэй. Үүний дараа цэвэр цэмцгэр тоормосны системдээ үйлдвэрлэгчийн заасан түвшний дагуу шинэ шингэнээр дүүргэнэ. Ингэхдээ дээд хязгаараас давж халихааргүй хэмжээтэй дүүргэх шаардлагатай шүү.
Шинэ тоормосны шингэнээ хийсний дараа цахилгаан эд ангиудаа буцаан угсарч, тоормосны шингэний тагаа ямар ч агаар нэвтрэх боломжгүйгээр сайтар чангалж таглана. Эцэст нь тоормосны гишгүүрээ жийж шингэнийг тоормосны системээр эргэлдүүлэн, хийг гадагшлуулна. Ингээд л машиныхаа тоормосны шингэнийг сольчихлоо шүү дээ, баяр хүргэе!
Шилдэг тоормосны шингэнүүд 2024
Ямар брэндийн тоормосны шингэн хамгийн шилдэг вэ гэж та гайхаж байна уу? Дараах брэндийн тоормосны шингэнүүд нь чанараар бусдаасаа илүү бөгөөд таны хамгийн шилдэг сонголт байх болно:
Brembo
Liqui Moly
Motul
Castrol
Үйлчилгээний үр дүн, таарах байдал, найдвартай байдал зэргээр эдгээр брэндүүд нь жолооч нарын дунд хэдийнээ танигдсан билээ. Таны машины тоормосны бүх эд ангиудыг хамгаалж, үүргээ түүртэлгүй гүйцэтгэх нөхцөл боломжоор хангаж өгөх болно. Жолооч та тоормосны арчилгаандаа заавал хамгийн чанартай бүтээгдэхүүнийг хэрэглэж байх нь аюулгүй байдлаа хангахад чухал нөлөөтэй шүү.
LIQUI MOLY тоормосны шингэн
Манай MyCar.Repair авто сервист хэрэглэгддэг LIQUI MOLY тоормосны шингэн нь өндөр температурт тэсвэртэй, маш олон төрлийн автомашин болон тоормосны системд таарах найрлагатай байдаг. Давуу талууд нь:
Хэт халалт, өндөр хэмд тэсвэр сайтай
Маш олон төрөл загварын машин, тоормосны системд тохирдог
Өндөр ачаалалтай нөхцөлд унадаг машинд тохиромжтой
Хамгийн үйлчилгээ сайтай тоормосны шингэн
Эдгээр давуу талууд нь LIQUI MOLY-г найдвартай тоормосны шингэн хайсан жолооч нарын хамгийн шилдэг сонголт болгодог юм.
Дүгнэлт
Эцэст нь дүгнэхэд DOT 3 болон DOT 4 тоормосны шингэнүүдийн онцлог, ялгааг таниж мэдэх нь таны машины тоормосны системийн хэвийн үйл ажиллагаа, аюулгүй байдалд ямар чухал нөлөөтэй болохыг мэдэж авсан байх. Автомашин үйлдвэрлэгчийн стандарт, орчин нөхцөл, уналгаа эдэлгээ зэрэг хүчин зүйлсийг харгалзаж үзсэнээр машиндаа яг таарах төрлийн шингэнийг сонгоход маш хялбар байх болно шүү. Тоормосны шингэнээ тогтмол шалгаж үзэн, шаардлагатай бол солиулж байх нь аюулгүй санаа амар давхих боломжийг олгоно. Найдвартай аюулгүй автомашины үндэс бол арчилгаа сайтай тоормосны систем юм!
Түгээмэл асуултууд
DOT 3 шингэн гэж юу вэ?
DOT 3 шингэн нь полиэтилен гликол суурьтай тоормосны шингэн бөгөөд гликолийн эфирийн найрлагатай, бүх төрлийн тоормосны системд тохирдог.
DOT 3 шингэн хэрэглээнд байгаа хэвээрээ юу?
Тийм, DOT 3 тоормосны шингэн нь хамгийн түгээмэл хэрэглэгдэж байгаа. Хэдий тийм ч сүүлийн жилүүдэд илүү үйлчилгээтэй DOT 4 шингэний хэрэглээ улам нэмэгдсээр байгаа юм.
DOT 3 болон 4 шингэнүүдийн алийг нь хэрэглэх вэ?
Тоормослох үед хэт халдаг, уралдааны эсвэл бусад спорт төрлийн, ачаалал ихтэй, хурд хүчтэй машинуудад DOT 4 шингэн тохиромжтой. Учир нь DOT 3 тоормосны шингэнтэй харьцуулахад уурших хэм илүү өндөр байдаг юм. Мөн агаараас чийг татах нь бага тул эдэлгээ урттай байх болно.
DOT 3 болон 4 шингэнийг хооронд нь холивол яах вэ?
Зайлшгүй шаардлагатай үед DOT 3 болон 4 шингэнийг хольж болно. Шууд тэр дороо ямар нэг эвдрэл үүсгэхгүй. Гэхдээ аль болох холихгүй байх, солиулахдаа хуучин шингэнийг бүрэн шавхаж асгаад шинээр зөвхөн нэг төрлийн DOT 3 эсвэл 4 шингэнээ дангаар нь хийхийг зөвлөж байна. Ингэснээр тоормосны шингэний уурших температур өөрчлөгдөхгүй, үүргээ түүртэлгүй гүйцэтгэх болно.
